Languages

Work 2 · Passage 20

Work 2 · Passage 20

Plato

Greek

ἐνθυμηθέντι γὰρ ὅτι λέγεται κάλλιον τὸ φανερῶς ἐρᾶν τοῦ λάθρᾳ, καὶ μάλιστα τῶν γενναιοτάτων καὶ ἀρίστων, κἂν αἰσχίους ἄλλων ὦσι, καὶ ὅτι αὖ ἡ παρακέλευσις τῷ ἐρῶντι παρὰ πάντων θαυμαστή, οὐχ ὥς τι αἰσχρὸν ποιοῦντι, καὶ ἑλόντι τε καλὸν δοκεῖ εἶναι καὶ μὴ ἑλόντι αἰσχρόν, καὶ πρὸς τὸ ἐπιχειρεῖν ἑλεῖν ἐξουσίαν ὁ νόμος δέδωκε τῷ ἐραστῇ θαυμαστὰ ἔργα ἐργαζομένῳ ἐπαινεῖσθαι, ἃ εἴ τις τολμῴη ποιεῖν ἄλλʼ ὁτιοῦν διώκων καὶ βουλόμενος διαπράξασθαι πλὴν τοῦτο, φιλοσοφίας τὰ μέγιστα καρποῖτʼ ἂν ὀνείδη—εἰ γὰρ ἢ χρήματα βουλόμενος παρά του λαβεῖν ἢ ἀρχὴν ἄρξαι ἤ τινα ἄλλην δύναμιν ἐθέλοι ποιεῖν οἷάπερ οἱ ἐρασταὶ πρὸς τὰ παιδικά, ἱκετείας τε καὶ ἀντιβολήσεις ἐν ταῖς δεήσεσιν ποιούμενοι, καὶ ὅρκους ὀμνύντες, καὶ κοιμήσεις ἐπὶ θύραις, καὶ ἐθέλοντες δουλείας δουλεύειν οἵας οὐδʼ ἂν δοῦλος οὐδείς, ἐμποδίζοιτο ἂν μὴ πράττειν οὕτω τὴν πρᾶξιν καὶ ὑπὸ φίλων καὶ ὑπὸ ἐχθρῶν, τῶν μὲν ὀνειδιζόντων κολακείας καὶ ἀνελευθερίας, τῶν δὲ νουθετούντων καὶ αἰσχυνομένων ὑπὲρ αὐτῶν—τῷ δʼ ἐρῶντι πάντα ταῦτα ποιοῦντι χάρις ἔπεστι, καὶ δέδοται ὑπὸ τοῦ νόμου ἄνευ ὀνείδους πράττειν, ὡς πάγκαλόν τι πρᾶγμα διαπραττομένου· ὃ δὲ δεινότατον, ὥς γε λέγουσιν οἱ πολλοί, ὅτι καὶ ὀμνύντι μόνῳ συγγνώμη παρὰ θεῶν ἐκβάντι τῶν ὅρκων—ἀφροδίσιον γὰρ ὅρκον οὔ φασιν εἶναι

Transliteration

enthymēthenti gar hoti legetai kallion to phanerōs eran tou lathra, kai malista tōn gennaiotatōn kai aristōn, kan aischious allōn ōsi, kai hoti au hē parakeleusis tō erōnti para pantōn thaumastē, ouch hōs ti aischron poiounti, kai helonti te kalon dokei einai kai mē helonti aischron, kai pros to epicheirein helein exousian ho nomos dedōke tō erastē thaumasta erga ergazomenō epaineisthai, ha ei tis tolmōē poiein allʼ hotioun diōkōn kai boulomenos diapraxasthai plēn touto, philosophias ta megista karpoitʼ an oneidē—ei gar ē chrēmata boulomenos para tou labein ē archēn arxai ē tina allēn dynamin etheloi poiein hoiaper hoi erastai pros ta paidika, hiketeias te kai antibolēseis en tais deēsesin poioumenoi, kai horkous omnyntes, kai koimēseis epi thyrais, kai ethelontes douleias douleuein hoias oudʼ an doulos oudeis, empodizoito an mē prattein houtō tēn praxin kai hypo philōn kai hypo echthrōn, tōn men oneidizontōn kolakeias kai aneleutherias, tōn de nouthetoyntōn kai aischynomenōn hyper autōn—tō dʼ erōnti panta tauta poiounti charis epesti, kai dedotai hypo tou nomou aneu oneidous prattein, hōs pankalon ti pragma diaprattomenou ho de deinotaton, hōs ge legousin hoi polloi, hoti kai omnynti monō syngnōmē para theōn ekbanti tōn horkōn—aphrodision gar horkon ou phasin einai

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 183 part 1; transliteration: greek-transliteration (build)

Share X Facebook