Languages

Work 2 · Passage 21

Work 2 · Passage 21

Plato

Greek

· οὕτω καὶ οἱ θεοὶ καὶ οἱ ἄνθρωποι πᾶσαν ἐξουσίαν πεποιήκασι τῷ ἐρῶντι, ὡς ὁ νόμος φησὶν ὁ ἐνθάδε—ταύτῃ μὲν οὖν οἰηθείη ἄν τις πάγκαλον νομίζεσθαι ἐν τῇδε τῇ πόλει καὶ τὸ ἐρᾶν καὶ τὸ φίλους γίγνεσθαι τοῖς ἐρασταῖς. ἐπειδὰν δὲ παιδαγωγοὺς ἐπιστήσαντες οἱ πατέρες τοῖς ἐρωμένοις μὴ ἐῶσι διαλέγεσθαι τοῖς ἐρασταῖς, καὶ τῷ παιδαγωγῷ ταῦτα προστεταγμένα ᾖ, ἡλικιῶται δὲ καὶ ἑταῖροι ὀνειδίζωσιν ἐάν τι ὁρῶσιν τοιοῦτον γιγνόμενον, καὶ τοὺς ὀνειδίζοντας αὖ οἱ πρεσβύτεροι μὴ διακωλύωσι μηδὲ λοιδορῶσιν ὡς οὐκ ὀρθῶς λέγοντας, εἰς δὲ ταῦτά τις αὖ βλέψας ἡγήσαιτʼ ἂν πάλιν αἴσχιστον τὸ τοιοῦτον ἐνθάδε νομίζεσθαι. τὸ δὲ οἶμαι ὧδʼ ἔχει· οὐχ ἁπλοῦν ἐστιν, ὅπερ ἐξ ἀρχῆς ἐλέχθη οὔτε καλὸν εἶναι αὐτὸ καθʼ αὑτὸ οὔτε αἰσχρόν, ἀλλὰ καλῶς μὲν πραττόμενον καλόν, αἰσχρῶς δὲ αἰσχρόν. αἰσχρῶς μὲν οὖν ἐστι πονηρῷ τε καὶ πονηρῶς χαρίζεσθαι, καλῶς δὲ χρηστῷ τε καὶ καλῶς. πονηρὸς δʼ ἐστὶν ἐκεῖνος ὁ ἐραστὴς ὁ πάνδημος, ὁ τοῦ σώματος μᾶλλον ἢ τῆς ψυχῆς ἐρῶν· καὶ γὰρ οὐδὲ μόνιμός ἐστιν, ἅτε οὐδὲ μονίμου ἐρῶν πράγματος. ἅμα γὰρ τῷ τοῦ σώματος ἄνθει λήγοντι, οὗπερ ἤρα, οἴχεται ἀποπτάμενος, πολλοὺς λόγους καὶ ὑποσχέσεις καταισχύνας· ὁ δὲ τοῦ ἤθους χρηστοῦ ὄντος ἐραστὴς διὰ βίου μένει, ἅτε μονίμῳ συντακείς.

Transliteration

houtō kai hoi theoi kai hoi anthrōpoi pasan exousian pepoiēkasi tō erōnti, hōs ho nomos phēsin ho enthade—tautē men oun oiētheiē an tis pankalon nomizesthai en tēde tē polei kai to eran kai to philous gignesthai tois erastais. epeidan de paidagōgous epistēsantes hoi pateres tois erōmenois mē eōsi dialegesthai tois erastais, kai tō paidagōgō tauta prostetagmena ē, hēlikiōtai de kai hetairoi oneidizōsin ean ti horōsin toiouton gignomenon, kai tous oneidizontas au hoi presbyteroi mē diakōlyōsi mēde loidorōsin hōs ouk orthōs legontas, eis de tauta tis au blepsas hēgēsaitʼ an palin aischiston to toiouton enthade nomizesthai. to de oimai hōdʼ echei ouch haploun estin, hoper ex archēs elechthē oute kalon einai auto kathʼ hauto oute aischron, alla kalōs men prattomenon kalon, aischrōs de aischron. aischrōs men oun esti ponērō te kai ponērōs charizesthai, kalōs de chrēstō te kai kalōs. ponēros dʼ estin ekeinos ho erastēs ho pandēmos, ho tou sōmatos mallon ē tēs psychēs erōn kai gar oude monimos estin, hate oude monimou erōn pragmatos. hama gar tō tou sōmatos anthei lēgonti, houper ēra, oichetai apoptamenos, pollous logous kai hyposcheseis kataischynas ho de tou ēthous chrēstou ontos erastēs dia biou menei, hate monimō syntakeis.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 183 part 2; transliteration: greek-transliteration (build)

Share X Facebook