Work 2 · Passage 22
Plato
Greek
τούτους δὴ βούλεται ὁ ἡμέτερος νόμος εὖ καὶ καλῶς βασανίζειν, καὶ τοῖς μὲν χαρίσασθαι, τοὺς δὲ διαφεύγειν. διὰ ταῦτα οὖν τοῖς μὲν διώκειν παρακελεύεται, τοῖς δὲ φεύγειν, ἀγωνοθετῶν καὶ βασανίζων ποτέρων ποτέ ἐστιν ὁ ἐρῶν καὶ ποτέρων ὁ ἐρώμενος. οὕτω δὴ ὑπὸ ταύτης τῆς αἰτίας πρῶτον μὲν τὸ ἁλίσκεσθαι ταχὺ αἰσχρὸν νενόμισται, ἵνα χρόνος ἐγγένηται, ὃς δὴ δοκεῖ τὰ πολλὰ καλῶς βασανίζειν, ἔπειτα τὸ ὑπὸ χρημάτων καὶ ὑπὸ πολιτικῶν δυνάμεων ἁλῶναι αἰσχρόν, ἐάν τε κακῶς πάσχων πτήξῃ καὶ μὴ καρτερήσῃ, ἄν τʼ εὐεργετούμενος εἰς χρήματα ἢ εἰς διαπράξεις πολιτικὰς μὴ καταφρονήσῃ· οὐδὲν γὰρ δοκεῖ τούτων οὔτε βέβαιον οὔτε μόνιμον εἶναι, χωρὶς τοῦ μηδὲ πεφυκέναι ἀπʼ αὐτῶν γενναίαν φιλίαν. μία δὴ λείπεται τῷ ἡμετέρῳ νόμῳ ὁδός, εἰ μέλλει καλῶς χαριεῖσθαι ἐραστῇ παιδικά. ἔστι γὰρ ἡμῖν νόμος, ὥσπερ ἐπὶ τοῖς ἐρασταῖς ἦν δουλεύειν ἐθέλοντα ἡντινοῦν δουλείαν παιδικοῖς μὴ κολακείαν εἶναι μηδὲ ἐπονείδιστον, οὕτω δὴ καὶ ἄλλη μία μόνη δουλεία ἑκούσιος λείπεται οὐκ ἐπονείδιστος
Transliteration
toutoys dē bouletai ho hēmeteros nomos eu kai kalōs basanizein, kai tois men charisasthai, tous de diapheugein. dia tauta oun tois men diōkein parakeleuetai, tois de pheugein, agōnothetōn kai basanizōn poterōn pote estin ho erōn kai poterōn ho erōmenos. houtō dē hypo tautēs tēs aitias prōton men to haliskesthai tachy aischron nenomistai, hina chronos engenētai, hos dē dokei ta polla kalōs basanizein, epeita to hypo chrēmatōn kai hypo politikōn dynameōn halōnai aischron, ean te kakōs paschōn ptēxē kai mē karterēsē, an tʼ euergetoumenos eis chrēmata ē eis diapraxeis politikas mē kataphronēsē ouden gar dokei toutōn oute bebaion oute monimon einai, chōris tou mēde pephykenai apʼ autōn gennaian philian. mia dē leipetai tō hēmeterō nomō hodos, ei mellei kalōs charieisthai erastē paidika. esti gar hēmin nomos, hōsper epi tois erastais ēn douleuein ethelonta hēntinoun douleian paidikois mē kolakeian einai mēde eponeidiston, houtō dē kai allē mia monē douleia hekousios leipetai ouk eponeidistos
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 184 part 1; transliteration: greek-transliteration (build)