Languages

Work 2 · Passage 23

Work 2 · Passage 23

Plato

Greek

· αὕτη δʼ ἐστὶν ἡ περὶ τὴν ἀρετήν. νενόμισται γὰρ δὴ ἡμῖν, ἐάν τις ἐθέλῃ τινὰ θεραπεύειν ἡγούμενος διʼ ἐκεῖνον ἀμείνων ἔσεσθαι ἢ κατὰ σοφίαν τινὰ ἢ κατὰ ἄλλο ὁτιοῦν μέρος ἀρετῆς, αὕτη αὖ ἡ ἐθελοδουλεία οὐκ αἰσχρὰ εἶναι οὐδὲ κολακεία. δεῖ δὴ τὼ νόμω τούτω συμβαλεῖν εἰς ταὐτόν, τόν τε περὶ τὴν παιδεραστίαν καὶ τὸν περὶ τὴν φιλοσοφίαν τε καὶ τὴν ἄλλην ἀρετήν, εἰ μέλλει συμβῆναι καλὸν γενέσθαι τὸ ἐραστῇ παιδικὰ χαρίσασθαι. ὅταν γὰρ εἰς τὸ αὐτὸ ἔλθωσιν ἐραστής τε καὶ παιδικά, νόμον ἔχων ἑκάτερος, ὁ μὲν χαρισαμένοις παιδικοῖς ὑπηρετῶν ὁτιοῦν δικαίως ἂν ὑπηρετεῖν, ὁ δὲ τῷ ποιοῦντι αὐτὸν σοφόν τε καὶ ἀγαθὸν δικαίως αὖ ὁτιοῦν ἂν ὑπουργῶν ὑπουργεῖν, καὶ ὁ μὲν δυνάμενος εἰς φρόνησιν καὶ τὴν ἄλλην ἀρετὴν συμβάλλεσθαι, ὁ δὲ δεόμενος εἰς παίδευσιν καὶ τὴν ἄλλην σοφίαν κτᾶσθαι, τότε δὴ τούτων συνιόντων εἰς ταὐτὸν τῶν νόμων μοναχοῦ ἐνταῦθα συμπίπτει τὸ καλὸν εἶναι παιδικὰ ἐραστῇ χαρίσασθαι, ἄλλοθι δὲ οὐδαμοῦ. ἐπὶ τούτῳ καὶ ἐξαπατηθῆναι οὐδὲν αἰσχρόν· ἐπὶ δὲ τοῖς ἄλλοις πᾶσι καὶ ἐξαπατωμένῳ αἰσχύνην φέρει καὶ μή.

Transliteration

hautē dʼ estin hē peri tēn aretēn. nenomistai gar dē hēmin, ean tis ethelē tina therapeuein hēgoumenos diʼ ekeinon ameinōn esesthai ē kata sophian tina ē kata allo hotioun meros aretēs, hautē au hē ethelodouleia ouk aischra einai oude kolakeia. dei dē tō nomō toutō symbalein eis tauton, ton te peri tēn paiderastian kai ton peri tēn philosophian te kai tēn allēn aretēn, ei mellei symbēnai kalon genesthai to erastē paidika charisasthai. hotan gar eis to auto elthōsin erastēs te kai paidika, nomon echōn hekateros, ho men charisamenois paidikois hypēretōn hotioun dikaiōs an hypēretein, ho de tō poiounti auton sophon te kai agathon dikaiōs au hotioun an hypourgōn hypourgein, kai ho men dynamenos eis phronēsin kai tēn allēn aretēn symballesthai, ho de deomenos eis paideusin kai tēn allēn sophian ktasthai, tote dē toutōn syniontōn eis tauton tōn nomōn monachou entautha sympiptei to kalon einai paidika erastē charisasthai, allothi de oudamoy. epi toutō kai exapatēthēnai ouden aischron epi de tois allois pasi kai exapatōmenō aischynēn pherei kai mē.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 184 part 2; transliteration: greek-transliteration (build)

Share X Facebook