Languages

Work 2 · Passage 43

Work 2 · Passage 43

Plato

Greek

· οὐ γὰρ ἐπʼ οὔδεος πίλναται, ἀλλʼ ἄρα ἥ γε κατʼ ἀνδρῶν κράατα βαίνει. Hom. Il. 19.92-93 καλῷ οὖν δοκεῖ μοι τεκμηρίῳ τὴν ἁπαλότητα ἀποφαίνειν, ὅτι οὐκ ἐπὶ σκληροῦ βαίνει, ἀλλʼ ἐπὶ μαλθακοῦ. τῷ αὐτῷ δὴ καὶ ἡμεῖς χρησόμεθα τεκμηρίῳ περὶ ἔρωτα ὅτι ἁπαλός. οὐ γὰρ ἐπὶ γῆς βαίνει οὐδʼ ἐπὶ κρανίων, ἅ ἐστιν οὐ πάνυ μαλακά, ἀλλʼ ἐν τοῖς μαλακωτάτοις τῶν ὄντων καὶ βαίνει καὶ οἰκεῖ. ἐν γὰρ ἤθεσι καὶ ψυχαῖς θεῶν καὶ ἀνθρώπων τὴν οἴκησιν ἵδρυται, καὶ οὐκ αὖ ἑξῆς ἐν πάσαις ταῖς ψυχαῖς, ἀλλʼ ᾗτινι ἂν σκληρὸν ἦθος ἐχούσῃ ἐντύχῃ, ἀπέρχεται, ᾗ δʼ ἂν μαλακόν, οἰκίζεται.

Transliteration

ou gar epʼ oudeos pilnatai, allʼ ara hē ge katʼ andrōn kraata bainei. Hom. Il. 19.92-93 kalō oun dokei moi tekmēriō tēn hapalotēta apophainein, hoti ouk epi sklērou bainei, allʼ epi malthakou. tō autō dē kai hēmeis chrēsometha tekmēriō peri erōta hoti hapalos. ou gar epi gēs bainei oudʼ epi kraniōn, ha estin ou pany malaka, allʼ en tois malakōtatois tōn ontōn kai bainei kai oikei. en gar ēthesi kai psychais theōn kai anthrōpōn tēn oikēsin hidrytai, kai ouk au hexēs en pasais tais psychais, allʼ hētini an sklēron ēthos echousē entychē, aperchetai, hē dʼ an malakon, oikizetai.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 195 part 2; transliteration: greek-transliteration (build)

Share X Facebook