Languages

Work 2 · Passage 54

Work 2 · Passage 54

Plato

Greek

ναί, φάναι. ἐπὶ δὴ τούτοις ἀναμνήσθητι τίνων ἔφησθα ἐν τῷ λόγῳ εἶναι τὸν ἔρωτα· εἰ δὲ βούλει, ἐγώ σε ἀναμνήσω. οἶμαι γάρ σε οὑτωσί πως εἰπεῖν, ὅτι τοῖς θεοῖς κατεσκευάσθη τὰ πράγματα διʼ ἔρωτα καλῶν· αἰσχρῶν γὰρ οὐκ εἴη ἔρως. οὐχ οὑτωσί πως ἔλεγες; εἶπον γάρ, φάναι τὸν Ἀγάθωνα. καὶ ἐπιεικῶς γε λέγεις, ὦ ἑταῖρε, φάναι τὸν Σωκράτη· καὶ εἰ τοῦτο οὕτως ἔχει, ἄλλο τι ὁ Ἔρως κάλλους ἂν εἴη ἔρως, αἴσχους δὲ οὔ; ὡμολόγει. οὐκοῦν ὡμολόγηται, οὗ ἐνδεής ἐστι καὶ μὴ ἔχει, τούτου ἐρᾶν; ναί, εἰπεῖν. ἐνδεὴς ἄρʼ ἐστὶ καὶ οὐκ ἔχει ὁ Ἔρως κάλλος. ἀνάγκη, φάναι. τί δέ; τὸ ἐνδεὲς κάλλους καὶ μηδαμῇ κεκτημένον κάλλος ἆρα λέγεις σὺ καλὸν εἶναι; οὐ δῆτα. ἔτι οὖν ὁμολογεῖς ἔρωτα καλὸν εἶναι, εἰ ταῦτα οὕτως ἔχει; καὶ τὸν Ἀγάθωνα εἰπεῖν κινδυνεύω, ὦ Σώκρατες, οὐδὲν εἰδέναι ὧν τότε εἶπον. καὶ μὴν καλῶς γε εἶπες, φάναι, ὦ Ἀγάθων. ἀλλὰ σμικρὸν ἔτι εἰπέ· τἀγαθὰ οὐ καὶ καλὰ δοκεῖ σοι εἶναι; ἔμοιγε. εἰ ἄρα ὁ Ἔρως τῶν καλῶν ἐνδεής ἐστι, τὰ δὲ ἀγαθὰ καλά, κἂν τῶν ἀγαθῶν ἐνδεὴς εἴη. ἐγώ, φάναι, ὦ Σώκρατες, σοὶ οὐκ ἂν δυναίμην ἀντιλέγειν, ἀλλʼ οὕτως ἐχέτω ὡς σὺ λέγεις. οὐ μὲν οὖν τῇ ἀληθείᾳ, φάναι, ὦ φιλούμενε Ἀγάθων, δύνασαι ἀντιλέγειν, ἐπεὶ Σωκράτει γε οὐδὲν χαλεπόν. καὶ σὲ μέν γε ἤδη ἐάσω

Transliteration

nai, phanai. epi dē toutois anamnēsthēti tinōn ephēstha en tō logō einai ton erōta ei de boulei, egō se anamnēsō. oimai gar se houtōsi pōs eipein, hoti tois theois kateskeuasthē ta pragmata diʼ erōta kalōn aischrōn gar ouk eiē erōs. ouch houtōsi pōs eleges; eipon gar, phanai ton Agathōna. kai epieikōs ge legeis, ō hetaire, phanai ton Sōkratē kai ei touto houtōs echei, allo ti ho Erōs kallous an eiē erōs, aischous de ou; hōmologei. oukoyn hōmologētai, hou endeēs esti kai mē echei, toutoy eran; nai, eipein. endeēs arʼ esti kai ouk echei ho Erōs kallos. anankē, phanai. ti de; to endees kallous kai mēdamē kektēmenon kallos ara legeis sy kalon einai; ou dēta. eti oun homologeis erōta kalon einai, ei tauta houtōs echei; kai ton Agathōna eipein kindyneuō, ō Sōkrates, ouden eidenai hōn tote eipon. kai mēn kalōs ge eipes, phanai, ō Agathōn. alla smikron eti eipe tagatha ou kai kala dokei soi einai; emoige. ei ara ho Erōs tōn kalōn endeēs esti, ta de agatha kala, kan tōn agathōn endeēs eiē. egō, phanai, ō Sōkrates, soi ouk an dynaimēn antilegein, allʼ houtōs echetō hōs sy legeis. ou men oun tē alētheia, phanai, ō philoumene Agathōn, dynasai antilegein, epei Sōkratei ge ouden chalepon. kai se men ge ēdē easō

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 201 part 1; transliteration: greek-transliteration (build)

Share X Facebook