Work 3 · Passage 40
Plato
Greek
ΦΑΙΔ. ὑπερφυῶς, ὦ Σώκρατες , ἔφη ὁ Σιμμίας , δοκεῖ μοι ἡ αὐτὴ ἀνάγκη εἶναι, καὶ εἰς καλόν γε καταφεύγει ὁ λόγος εἰς τὸ ὁμοίως εἶναι τήν τε ψυχὴν ἡμῶν πρὶν γενέσθαι ἡμᾶς καὶ τὴν οὐσίαν ἣν σὺ νῦν λέγεις. οὐ γὰρ ἔχω ἔγωγε οὐδὲν οὕτω μοι ἐναργὲς ὂν ὡς τοῦτο, τὸ πάντα τὰ τοιαῦτ’ εἶναι ὡς οἷόν τε μάλιστα, καλόν τε καὶ ἀγαθὸν καὶ τἆλλα πάντα ἃ σὺ νυνδὴ ἔλεγες· καὶ ἔμοιγε δοκεῖ ἱκανῶς ἀποδέδεικται. τί δὲ δὴ Κέβητι ; ἔφη ὁ Σωκράτης · δεῖ γὰρ καὶ Κέβητα πείθειν. ἱκανῶς, ἔφη ὁ Σιμμίας , ὡς ἔγωγε οἶμαι· καίτοι καρτερώτατος ἀνθρώπων ἐστὶν πρὸς τὸ ἀπιστεῖν τοῖς λόγοις. ἀλλ’ οἶμαι οὐκ ἐνδεῶς τοῦτο πεπεῖσθαι αὐτόν, ὅτι πρὶν γενέσθαι ἡμᾶς ἦν ἡμῶν ἡ ψυχή· εἰ μέντοι καὶ ἐπειδὰν ἀποθάνωμεν ἔτι ἔσται, οὐδὲ αὐτῷ μοι δοκεῖ, ἔφη, ὦ Σώκρατες , ἀποδεδεῖχθαι, ἀλλ’ ἔτι ἐνέστηκεν ὃ νυνδὴ Κέβης ἔλεγε, τὸ τῶν πολλῶν, ὅπως μὴ ἅμα ἀποθνῄσκοντος τοῦ ἀνθρώπου διασκεδάννυται ἡ ψυχὴ καὶ αὐτῇ τοῦ εἶναι τοῦτο τέλος ᾖ. τί γὰρ κωλύει γίγνεσθαι μὲν αὐτὴν καὶ συνίστασθαι ἄλλοθέν ποθεν καὶ εἶναι πρὶν καὶ εἰς ἀνθρώπειον σῶμα ἀφικέσθαι, ἐπειδὰν δὲ ἀφίκηται καὶ ἀπαλλάττηται τούτου, τότε καὶ αὐτὴν τελευτᾶν καὶ διαφθείρεσθαι; εὖ λέγεις, ἔφη, ὦ Σιμμία , ὁ Κέβης . φαίνεται γὰρ ὥσπερ ἥμισυ ἀποδεδεῖχθαι οὗ δεῖ, ὅτι πρὶν γενέσθαι ἡμᾶς ἦν ἡμῶν ἡ ψυχή, δεῖ δὲ προσαποδεῖξαι ὅτι καὶ ἐπειδὰν ἀποθάνωμεν οὐδὲν ἧττον ἔσται ἢ πρὶν γενέσθαι, εἰ μέλλει τέλος ἡ ἀπόδειξις ἕξειν. ἀποδέδεικται μέν, ἔφη, ὦ Σιμμία τε καὶ Κέβης , ὁ Σωκράτης , καὶ νῦν, εἰ ᾽θέλετε συνθεῖναι τοῦτόν τε τὸν λόγον εἰς ταὐτὸν καὶ ὃν πρὸ τούτου ὡμολογήσαμεν, τὸ γίγνεσθαι πᾶν τὸ ζῶν ἐκ τοῦ τεθνεῶτος. εἰ γὰρ ἔστιν μὲν ἡ ψυχὴ καὶ πρότερον, ἀνάγκη δὲ αὐτῇ εἰς τὸ ζῆν ἰούσῃ τε καὶ γιγνομένῃ μηδαμόθεν ἄλλοθεν ἢ ἐκ θανάτου καὶ τοῦ τεθνάναι γίγνεσθαι, πῶς οὐκ ἀνάγκη αὐτὴν καὶ ἐπειδὰν ἀποθάνῃ εἶναι, ἐπειδή γε δεῖ αὖθις αὐτὴν γίγνεσθαι
Transliteration
PHAID. hyperphyōs, ō Sōkrates , ephē ho Simmias , dokei moi hē autē anankē einai, kai eis kalon ge katapheugei ho logos eis to homoiōs einai tēn te psychēn hēmōn prin genesthai hēmas kai tēn ousian hēn sy nyn legeis. ou gar echō egōge ouden houtō moi enarges on hōs touto, to panta ta toiaut’ einai hōs hoion te malista, kalon te kai agathon kai talla panta ha sy nyndē eleges kai emoige dokei hikanōs apodedeiktai. ti de dē Kebēti ; ephē ho Sōkratēs dei gar kai Kebēta peithein. hikanōs, ephē ho Simmias , hōs egōge oimai kaitoi karterōtatos anthrōpōn estin pros to apistein tois logois. all’ oimai ouk endeōs touto pepeisthai auton, hoti prin genesthai hēmas ēn hēmōn hē psychē ei mentoi kai epeidan apothanōmen eti estai, oude autō moi dokei, ephē, ō Sōkrates , apodedeichthai, all’ eti enestēken ho nyndē Kebēs elege, to tōn pollōn, hopōs mē hama apothnēskontos tou anthrōpou diaskedannytai hē psychē kai autē tou einai touto telos ē. ti gar kōlyei gignesthai men autēn kai synistasthai allothen pothen kai einai prin kai eis anthrōpeion sōma aphikesthai, epeidan de aphikētai kai apallattētai toutoy, tote kai autēn teleutan kai diaphtheiresthai; eu legeis, ephē, ō Simmia , ho Kebēs . phainetai gar hōsper hēmisy apodedeichthai hou dei, hoti prin genesthai hēmas ēn hēmōn hē psychē, dei de prosapodeixai hoti kai epeidan apothanōmen ouden hētton estai ē prin genesthai, ei mellei telos hē apodeixis hexein. apodedeiktai men, ephē, ō Simmia te kai Kebēs , ho Sōkratēs , kai nyn, ei thelete syntheinai touton te ton logon eis tauton kai hon pro toutoy hōmologēsamen, to gignesthai pan to zōn ek tou tethneōtos. ei gar estin men hē psychē kai proteron, anankē de autē eis to zēn iousē te kai gignomenē mēdamothen allothen ē ek thanatou kai tou tethnanai gignesthai, pōs ouk anankē autēn kai epeidan apothanē einai, epeidē ge dei authis autēn gignesthai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 77 part 1; transliteration: greek-transliteration (build)