Work 3 · Passage 41
Plato
Greek
; ἀποδέδεικται μὲν οὖν ὅπερ λέγετε καὶ νῦν. ὅμως δέ μοι δοκεῖς σύ τε καὶ Σιμμίας ἡδέως ἂν καὶ τοῦτον διαπραγματεύσασθαι τὸν λόγον ἔτι μᾶλλον, καὶ δεδιέναι τὸ τῶν παίδων, μὴ ὡς ἀληθῶς ὁ ἄνεμος αὐτὴν ἐκβαίνουσαν ἐκ τοῦ σώματος διαφυσᾷ καὶ διασκεδάννυσιν, ἄλλως τε καὶ ὅταν τύχῃ τις μὴ ἐν νηνεμίᾳ ἀλλ’ ἐν μεγάλῳ τινὶ πνεύματι ἀποθνῄσκων. καὶ ὁ Κέβης ἐπιγελάσας, ὡς δεδιότων, ἔφη, ὦ Σώκρατες , πειρῶ ἀναπείθειν· μᾶλλον δὲ μὴ ὡς ἡμῶν δεδιότων, ἀλλ’ ἴσως ἔνι τις καὶ ἐν ἡμῖν παῖς ὅστις τὰ τοιαῦτα φοβεῖται. τοῦτον οὖν πειρῶ μεταπείθειν μὴ δεδιέναι τὸν θάνατον ὥσπερ τὰ μορμολύκεια. ἀλλὰ χρή, ἔφη ὁ Σωκράτης , ἐπᾴδειν αὐτῷ ἑκάστης ἡμέρας ἕως ἂν ἐξεπᾴσητε.
Transliteration
; apodedeiktai men oun hoper legete kai nyn. homōs de moi dokeis sy te kai Simmias hēdeōs an kai touton diapragmateusasthai ton logon eti mallon, kai dedienai to tōn paidōn, mē hōs alēthōs ho anemos autēn ekbainousan ek tou sōmatos diaphysa kai diaskedannysin, allōs te kai hotan tychē tis mē en nēnemia all’ en megalō tini pneumati apothnēskōn. kai ho Kebēs epigelasas, hōs dediotōn, ephē, ō Sōkrates , peirō anapeithein mallon de mē hōs hēmōn dediotōn, all’ isōs eni tis kai en hēmin pais hostis ta toiauta phobeitai. touton oun peirō metapeithein mē dedienai ton thanaton hōsper ta mormolykeia. alla chrē, ephē ho Sōkratēs , epadein autō hekastēs hēmeras heōs an exepasēte.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 77 part 2; transliteration: greek-transliteration (build)