Languages

Work 3 · Passage 42

Work 3 · Passage 42

Plato

Greek

ΦΑΙΔ. πόθεν οὖν, ἔφη, ὦ Σώκρατες , τῶν τοιούτων ἀγαθὸν ἐπῳδὸν ληψόμεθα, ἐπειδὴ σύ, ἔφη, ἡμᾶς ἀπολείπεις; πολλὴ μὲν ἡ Ἑλλάς , ἔφη, ὦ Κέβης , ἐν ᾗ ἔνεισί που ἀγαθοὶ ἄνδρες, πολλὰ δὲ καὶ τὰ τῶν βαρβάρων γένη, οὓς πάντας χρὴ διερευνᾶσθαι ζητοῦντας τοιοῦτον ἐπῳδόν, μήτε χρημάτων φειδομένους μήτε πόνων, ὡς οὐκ ἔστιν εἰς ὅτι ἂν εὐκαιρότερον ἀναλίσκοιτε χρήματα. ζητεῖν δὲ χρὴ καὶ αὐτοὺς μετ’ ἀλλήλων· ἴσως γὰρ ἂν οὐδὲ ῥᾳδίως εὕροιτε μᾶλλον ὑμῶν δυναμένους τοῦτο ποιεῖν. ἀλλὰ ταῦτα μὲν δή, ἔφη, ὑπάρξει, ὁ Κέβης · ὅθεν δὲ ἀπελίπομεν ἐπανέλθωμεν, εἴ σοι ἡδομένῳ ἐστίν. ἀλλὰ μὴν ἡδομένῳ γε· πῶς γὰρ οὐ μέλλει; καλῶς, ἔφη, λέγεις. οὐκοῦν τοιόνδε τι, ἦ δ’ ὃς ὁ Σωκράτης , δεῖ ἡμᾶς ἀνερέσθαι ἑαυτούς, τῷ ποίῳ τινὶ ἄρα προσήκει τοῦτο τὸ πάθος πάσχειν, τὸ διασκεδάννυσθαι, καὶ ὑπὲρ τοῦ ποίου τινὸς δεδιέναι μὴ πάθῃ αὐτό, καὶ τῷ ποίῳ τινὶ οὔ· καὶ μετὰ τοῦτο αὖ ἐπισκέψασθαι πότερον ψυχή ἐστιν, καὶ ἐκ τούτων θαρρεῖν ἢ δεδιέναι ὑπὲρ τῆς ἡμετέρας ψυχῆς; ἀληθῆ, ἔφη, λέγεις. ἆρ’ οὖν τῷ μὲν συντεθέντι τε καὶ συνθέτῳ ὄντι φύσει προσήκει τοῦτο πάσχειν, διαιρεθῆναι ταύτῃ ᾗπερ συνετέθη

Transliteration

PHAID. pothen oun, ephē, ō Sōkrates , tōn toioutōn agathon epōdon lēpsometha, epeidē sy, ephē, hēmas apoleipeis; pollē men hē hEllas , ephē, ō Kebēs , en hē eneisi pou agathoi andres, polla de kai ta tōn barbarōn genē, hous pantas chrē diereunasthai zētountas toiouton epōdon, mēte chrēmatōn pheidomenous mēte ponōn, hōs ouk estin eis hoti an eukairoteron analiskoite chrēmata. zētein de chrē kai autous met’ allēlōn isōs gar an oude rhadiōs heuroite mallon hymōn dynamenous touto poiein. alla tauta men dē, ephē, hyparxei, ho Kebēs hothen de apelipomen epanelthōmen, ei soi hēdomenō estin. alla mēn hēdomenō ge pōs gar ou mellei; kalōs, ephē, legeis. oukoyn toionde ti, ē d’ hos ho Sōkratēs , dei hēmas aneresthai heautous, tō poiō tini ara prosēkei touto to pathos paschein, to diaskedannysthai, kai hyper tou poiou tinos dedienai mē pathē auto, kai tō poiō tini ou kai meta touto au episkepsasthai poteron psychē estin, kai ek toutōn tharrhein ē dedienai hyper tēs hēmeteras psychēs; alēthē, ephē, legeis. ar’ oun tō men syntethenti te kai synthetō onti physei prosēkei touto paschein, diairethēnai tautē hēper synetethē

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 78 part 1; transliteration: greek-transliteration (build)

Share X Facebook