Languages

Work 3 · Passage 52

Work 3 · Passage 52

Plato

Greek

ΦΑΙΔ. — ὅπερ οὖν λέγω, γιγνώσκουσιν οἱ φιλομαθεῖς ὅτι οὕτω παραλαβοῦσα ἡ φιλοσοφία ἔχουσαν αὐτῶν τὴν ψυχὴν ἠρέμα παραμυθεῖται καὶ λύειν ἐπιχειρεῖ, ἐνδεικνυμένη ὅτι ἀπάτης μὲν μεστὴ ἡ διὰ τῶν ὀμμάτων σκέψις, ἀπάτης δὲ ἡ διὰ τῶν ὤτων καὶ τῶν ἄλλων αἰσθήσεων, πείθουσα δὲ ἐκ τούτων μὲν ἀναχωρεῖν, ὅσον μὴ ἀνάγκη αὐτοῖς χρῆσθαι, αὐτὴν δὲ εἰς αὑτὴν συλλέγεσθαι καὶ ἁθροίζεσθαι παρακελευομένη, πιστεύειν δὲ μηδενὶ ἄλλῳ ἀλλ’ ἢ αὐτὴν αὑτῇ, ὅτι ἂν νοήσῃ αὐτὴ καθ’ αὑτὴν αὐτὸ καθ’ αὑτὸ τῶν ὄντων· ὅτι δ’ ἂν δι’ ἄλλων σκοπῇ ἐν ἄλλοις ὂν ἄλλο, μηδὲν ἡγεῖσθαι ἀληθές· εἶναι δὲ τὸ μὲν τοιοῦτον αἰσθητόν τε καὶ ὁρατόν, ὃ δὲ αὐτὴ ὁρᾷ νοητόν τε καὶ ἀιδές. ταύτῃ οὖν τῇ λύσει οὐκ οἰομένη δεῖν ἐναντιοῦσθαι ἡ τοῦ ὡς ἀληθῶς φιλοσόφου ψυχὴ οὕτως ἀπέχεται τῶν ἡδονῶν τε καὶ ἐπιθυμιῶν καὶ λυπῶν καθ’ ὅσον δύναται, λογιζομένη ὅτι, ἐπειδάν τις σφόδρα ἡσθῇ ἢ φοβηθῇ ἢ ἐπιθυμήσῃ, οὐδὲν τοσοῦτον κακὸν ἔπαθεν ἀπ’ αὐτῶν ὧν ἄν τις οἰηθείη, οἷον ἢ νοσήσας ἤ τι ἀναλώσας διὰ τὰς ἐπιθυμίας, ἀλλ’ ὃ πάντων μέγιστόν τε κακῶν καὶ ἔσχατόν ἐστι, τοῦτο πάσχει καὶ οὐ λογίζεται αὐτό. τί τοῦτο, ὦ Σώκρατες ; ἔφη ὁ Κέβης . ὅτι ψυχὴ παντὸς ἀνθρώπου ἀναγκάζεται ἅμα τε ἡσθῆναι σφόδρα ἢ λυπηθῆναι ἐπί τῳ καὶ ἡγεῖσθαι περὶ ὃ ἂν μάλιστα τοῦτο πάσχῃ, τοῦτο ἐναργέστατόν τε εἶναι καὶ ἀληθέστατον, οὐχ οὕτως ἔχον· ταῦτα δὲ μάλιστα τὰ ὁρατά

Transliteration

PHAID. — hoper oun legō, gignōskousin hoi philomatheis hoti houtō paralabousa hē philosophia echousan autōn tēn psychēn ērema paramytheitai kai lyein epicheirei, endeiknymenē hoti apatēs men mestē hē dia tōn ommatōn skepsis, apatēs de hē dia tōn ōtōn kai tōn allōn aisthēseōn, peithousa de ek toutōn men anachōrein, hoson mē anankē autois chrēsthai, autēn de eis hautēn syllegesthai kai hathroizesthai parakeleuomenē, pisteuein de mēdeni allō all’ ē autēn hautē, hoti an noēsē autē kath’ hautēn auto kath’ hauto tōn ontōn hoti d’ an di’ allōn skopē en allois on allo, mēden hēgeisthai alēthes einai de to men toiouton aisthēton te kai horaton, ho de autē hora noēton te kai aides. tautē oun tē lysei ouk oiomenē dein enantiousthai hē tou hōs alēthōs philosophou psychē houtōs apechetai tōn hēdonōn te kai epithymiōn kai lypōn kath’ hoson dynatai, logizomenē hoti, epeidan tis sphodra hēsthē ē phobēthē ē epithymēsē, ouden tosouton kakon epathen ap’ autōn hōn an tis oiētheiē, hoion ē nosēsas ē ti analōsas dia tas epithymias, all’ ho pantōn megiston te kakōn kai eschaton esti, touto paschei kai ou logizetai auto. ti touto, ō Sōkrates ; ephē ho Kebēs . hoti psychē pantos anthrōpou anankazetai hama te hēsthēnai sphodra ē lypēthēnai epi tō kai hēgeisthai peri ho an malista touto paschē, touto enargestaton te einai kai alēthestaton, ouch houtōs echon tauta de malista ta horata

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 83 part 1; transliteration: greek-transliteration (build)

Share X Facebook