Work 3 · Passage 62
Plato
Greek
ΦΑΙΔ. ὥστε τούτῳ τῷ λόγῳ οὔπω ἄξιον πιστεύσαντα θαρρεῖν ὡς ἐπειδὰν ἀποθάνωμεν ἔτι που ἡμῶν ἡ ψυχὴ ἔστιν. εἰ γάρ τις καὶ πλέον ἔτι τῷ λέγοντι ἢ ἃ σὺ λέγεις συγχωρήσειεν, δοὺς αὐτῷ μὴ μόνον ἐν τῷ πρὶν καὶ γενέσθαι ἡμᾶς χρόνῳ εἶναι ἡμῶν τὰς ψυχάς, ἀλλὰ μηδὲν κωλύειν καὶ ἐπειδὰν ἀποθάνωμεν ἐνίων ἔτι εἶναι καὶ ἔσεσθαι καὶ πολλάκις γενήσεσθαι καὶ ἀποθανεῖσθαι αὖθις — οὕτω γὰρ αὐτὸ φύσει ἰσχυρὸν εἶναι, ὥστε πολλάκις γιγνομένην ψυχὴν ἀντέχειν — δοὺς δὲ ταῦτα ἐκεῖνο μηκέτι συγχωροῖ, μὴ οὐ πονεῖν αὐτὴν ἐν ταῖς πολλαῖς γενέσεσιν καὶ τελευτῶσάν γε ἔν τινι τῶν θανάτων παντάπασιν ἀπόλλυσθαι, τοῦτον δὲ τὸν θάνατον καὶ ταύτην τὴν διάλυσιν τοῦ σώματος ἣ τῇ ψυχῇ φέρει ὄλεθρον μηδένα φαίη εἰδέναι — ἀδύνατον γὰρ εἶναι ὁτῳοῦν αἰσθέσθαι ἡμῶν — εἰ δὲ τοῦτο οὕτως ἔχει, οὐδενὶ προσήκει θάνατον θαρροῦντι μὴ οὐκ ἀνοήτως θαρρεῖν, ὃς ἂν μὴ ἔχῃ ἀποδεῖξαι ὅτι ἔστι ψυχὴ παντάπασιν ἀθάνατόν τε καὶ ἀνώλεθρον· εἰ δὲ μή, ἀνάγκην εἶναι ἀεὶ τὸν μέλλοντα ἀποθανεῖσθαι δεδιέναι ὑπὲρ τῆς αὑτοῦ ψυχῆς μὴ ἐν τῇ νῦν τοῦ σώματος διαζεύξει παντάπασιν ἀπόληται. πάντες οὖν ἀκούσαντες εἰπόντων αὐτῶν ἀηδῶς διετέθημεν, ὡς ὕστερον ἐλέγομεν πρὸς ἀλλήλους, ὅτι ὑπὸ τοῦ ἔμπροσθεν λόγου σφόδρα πεπεισμένους ἡμᾶς πάλιν ἐδόκουν ἀναταράξαι καὶ εἰς ἀπιστίαν καταβαλεῖν οὐ μόνον τοῖς προειρημένοις λόγοις, ἀλλὰ καὶ εἰς τὰ ὕστερον μέλλοντα ῥηθήσεσθαι, μὴ οὐδενὸς ἄξιοι εἶμεν κριταὶ ἢ καὶ τὰ πράγματα αὐτὰ ἄπιστα ᾖ. ΕΧ. νὴ τοὺς θεούς, ὦ Φαίδων , συγγνώμην γε ἔχω ὑμῖν. καὶ γὰρ αὐτόν με νῦν ἀκούσαντά σου τοιοῦτόν τι λέγειν πρὸς ἐμαυτὸν ἐπέρχεται
Transliteration
PHAID. hōste toutō tō logō oupō axion pisteusanta tharrhein hōs epeidan apothanōmen eti pou hēmōn hē psychē estin. ei gar tis kai pleon eti tō legonti ē ha sy legeis synchōrēseien, dous autō mē monon en tō prin kai genesthai hēmas chronō einai hēmōn tas psychas, alla mēden kōlyein kai epeidan apothanōmen eniōn eti einai kai esesthai kai pollakis genēsesthai kai apothaneisthai authis — houtō gar auto physei ischyron einai, hōste pollakis gignomenēn psychēn antechein — dous de tauta ekeino mēketi synchōroi, mē ou ponein autēn en tais pollais genesesin kai teleutōsan ge en tini tōn thanatōn pantapasin apollysthai, touton de ton thanaton kai tautēn tēn dialysin tou sōmatos hē tē psychē pherei olethron mēdena phaiē eidenai — adynaton gar einai hotōoun aisthesthai hēmōn — ei de touto houtōs echei, oudeni prosēkei thanaton tharrhounti mē ouk anoētōs tharrhein, hos an mē echē apodeixai hoti esti psychē pantapasin athanaton te kai anōlethron ei de mē, anankēn einai aei ton mellonta apothaneisthai dedienai hyper tēs hautou psychēs mē en tē nyn tou sōmatos diazeuxei pantapasin apolētai. pantes oun akousantes eipontōn autōn aēdōs dietethēmen, hōs hysteron elegomen pros allēlous, hoti hypo tou emprosthen logou sphodra pepeismenous hēmas palin edokoun anataraxai kai eis apistian katabalein ou monon tois proeirēmenois logois, alla kai eis ta hysteron mellonta rhēthēsesthai, mē oudenos axioi eimen kritai ē kai ta pragmata auta apista ē. ECH. nē tous theous, ō PHaidōn , syngnōmēn ge echō hymin. kai gar auton me nyn akousanta sou toiouton ti legein pros emauton eperchetai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 88 part 1; transliteration: greek-transliteration (build)