Work 3 · Passage 63
Plato
Greek
· τίνι οὖν ἔτι πιστεύσομεν λόγῳ; ὡς γὰρ σφόδρα πιθανὸς ὤν, ὃν ὁ Σωκράτης ἔλεγε λόγον, νῦν εἰς ἀπιστίαν καταπέπτωκεν. θαυμαστῶς γάρ μου ὁ λόγος οὗτος ἀντιλαμβάνεται καὶ νῦν καὶ ἀεί, τὸ ἁρμονίαν τινὰ ἡμῶν εἶναι τὴν ψυχήν, καὶ ὥσπερ ὑπέμνησέν με ῥηθεὶς ὅτι καὶ αὐτῷ μοι ταῦτα προυδέδοκτο. καὶ πάνυ δέομαι πάλιν ὥσπερ ἐξ ἀρχῆς ἄλλου τινὸς λόγου ὅς με πείσει ὡς τοῦ ἀποθανόντος οὐ συναποθνῄσκει ἡ ψυχή. λέγε οὖν πρὸς Διὸς πῇ ὁ Σωκράτης μετῆλθε τὸν λόγον; καὶ πότερον κἀκεῖνος, ὥσπερ ὑμᾶς φῄς, ἔνδηλός τι ἐγένετο ἀχθόμενος ἢ οὔ, ἀλλὰ πρᾴως ἐβοήθει τῷ λόγῳ; καὶ ἱκανῶς ἐβοήθησεν ἢ ἐνδεῶς; πάντα ἡμῖν δίελθε ὡς δύνασαι ἀκριβέστατα.
Transliteration
tini oun eti pisteusomen logō; hōs gar sphodra pithanos ōn, hon ho Sōkratēs elege logon, nyn eis apistian katapeptōken. thaumastōs gar mou ho logos houtos antilambanetai kai nyn kai aei, to harmonian tina hēmōn einai tēn psychēn, kai hōsper hypemnēsen me rhētheis hoti kai autō moi tauta proudedokto. kai pany deomai palin hōsper ex archēs allou tinos logou hos me peisei hōs tou apothanontos ou synapothnēskei hē psychē. lege oun pros Dios pē ho Sōkratēs metēlthe ton logon; kai poteron kakeinos, hōsper hymas phēs, endēlos ti egeneto achthomenos ē ou, alla praōs eboēthei tō logō; kai hikanōs eboēthēsen ē endeōs; panta hēmin dielthe hōs dynasai akribestata.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 88 part 2; transliteration: greek-transliteration (build)