Work 3 · Passage 92
Plato
Greek
ΦΑΙΔ. παντάπασιν, ἔφη ὁ Κέβης , οὕτω φαίνεταί μοι. καί τις εἶπε τῶν παρόντων ἀκούσας — ὅστις δ’ ἦν, οὐ σαφῶς μέμνημαι — πρὸς θεῶν, οὐκ ἐν τοῖς πρόσθεν ἡμῖν λόγοις αὐτὸ τὸ ἐναντίον τῶν νυνὶ λεγομένων ὡμολογεῖτο, ἐκ τοῦ ἐλάττονος τὸ μεῖζον γίγνεσθαι καὶ ἐκ τοῦ μείζονος τὸ ἔλαττον, καὶ ἀτεχνῶς αὕτη εἶναι ἡ γένεσις τοῖς ἐναντίοις, ἐκ τῶν ἐναντίων; νῦν δέ μοι δοκεῖ λέγεσθαι ὅτι τοῦτο οὐκ ἄν ποτε γένοιτο. καὶ ὁ Σωκράτης παραβαλὼν τὴν κεφαλὴν καὶ ἀκούσας, ἀνδρικῶς, ἔφη, ἀπεμνημόνευκας, οὐ μέντοι ἐννοεῖς τὸ διαφέρον τοῦ τε νῦν λεγομένου καὶ τοῦ τότε. τότε μὲν γὰρ ἐλέγετο ἐκ τοῦ ἐναντίου πράγματος τὸ ἐναντίον πρᾶγμα γίγνεσθαι, νῦν δέ, ὅτι αὐτὸ τὸ ἐναντίον ἑαυτῷ ἐναντίον οὐκ ἄν ποτε γένοιτο, οὔτε τὸ ἐν ἡμῖν οὔτε τὸ ἐν τῇ φύσει. τότε μὲν γάρ, ὦ φίλε, περὶ τῶν ἐχόντων τὰ ἐναντία ἐλέγομεν, ἐπονομάζοντες αὐτὰ τῇ ἐκείνων ἐπωνυμίᾳ, νῦν δὲ περὶ ἐκείνων αὐτῶν ὧν ἐνόντων ἔχει τὴν ἐπωνυμίαν τὰ ὀνομαζόμενα· αὐτὰ δ’ ἐκεῖνα οὐκ ἄν ποτέ φαμεν ἐθελῆσαι γένεσιν ἀλλήλων δέξασθαι. καὶ ἅμα βλέψας πρὸς τὸν Κέβητα εἶπεν, ἆρα μή που, ὦ Κέβης , ἔφη, καὶ σέ τι τούτων ἐτάραξεν ὧν ὅδε εἶπεν; οὐδ’ αὖ, ἔφη ὁ Κέβης , οὕτως ἔχω
Transliteration
PHAID. pantapasin, ephē ho Kebēs , houtō phainetai moi. kai tis eipe tōn parontōn akousas — hostis d’ ēn, ou saphōs memnēmai — pros theōn, ouk en tois prosthen hēmin logois auto to enantion tōn nyni legomenōn hōmologeito, ek tou elattonos to meizon gignesthai kai ek tou meizonos to elatton, kai atechnōs hautē einai hē genesis tois enantiois, ek tōn enantiōn; nyn de moi dokei legesthai hoti touto ouk an pote genoito. kai ho Sōkratēs parabalōn tēn kephalēn kai akousas, andrikōs, ephē, apemnēmoneukas, ou mentoi ennoeis to diapheron tou te nyn legomenou kai tou tote. tote men gar elegeto ek tou enantiou pragmatos to enantion pragma gignesthai, nyn de, hoti auto to enantion heautō enantion ouk an pote genoito, oute to en hēmin oute to en tē physei. tote men gar, ō phile, peri tōn echontōn ta enantia elegomen, eponomazontes auta tē ekeinōn epōnymia, nyn de peri ekeinōn autōn hōn enontōn echei tēn epōnymian ta onomazomena auta d’ ekeina ouk an pote phamen ethelēsai genesin allēlōn dexasthai. kai hama blepsas pros ton Kebēta eipen, ara mē pou, ō Kebēs , ephē, kai se ti toutōn etaraxen hōn hode eipen; oud’ au, ephē ho Kebēs , houtōs echō
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 103 part 1; transliteration: greek-transliteration (build)