Languages

Work 4 · Passage 41

Work 4 · Passage 41

Plato

Greek

· ἐξιστάμενος δὲ τῶν ἀνθρωπίνων σπουδασμάτων καὶ πρὸς τῷ θείῳ γιγνόμενος, νουθετεῖται μὲν ὑπὸ τῶν πολλῶν ὡς παρακινῶν, ἐνθουσιάζων δὲ λέληθεν τοὺς πολλούς. ἔστι δὴ οὖν δεῦρο ὁ πᾶς ἥκων λόγος περὶ τῆς τετάρτης μανίας—ἣν ὅταν τὸ τῇδέ τις ὁρῶν κάλλος, τοῦ ἀληθοῦς ἀναμιμνῃσκόμενος, πτερῶταί τε καὶ ἀναπτερούμενος προθυμούμενος ἀναπτέσθαι, ἀδυνατῶν δέ, ὄρνιθος δίκην βλέπων ἄνω, τῶν κάτω δὲ ἀμελῶν, αἰτίαν ἔχει ὡς μανικῶς διακείμενος—ὡς ἄρα αὕτη πασῶν τῶν ἐνθουσιάσεων ἀρίστη τε καὶ ἐξ ἀρίστων τῷ τε ἔχοντι καὶ τῷ κοινωνοῦντι αὐτῆς γίγνεται, καὶ ὅτι ταύτης μετέχων τῆς μανίας ὁ ἐρῶν τῶν καλῶν ἐραστὴς καλεῖται.

Transliteration

existamenos de tōn anthrōpinōn spoudasmatōn kai pros tō theiō gignomenos, noutheteitai men hypo tōn pollōn hōs parakinōn, enthousiazōn de lelēthen tous pollous. esti dē oun deuro ho pas hēkōn logos peri tēs tetartēs hmanias—ēn hotan to tēde tis horōn kallos, tou alēthous anamimnēskomenos, pterōtai te kai anapteroumenos prothymoumenos anaptesthai, adynatōn de, ornithos dikēn blepōn anō, tōn katō de amelōn, aitian echei hōs manikōs hdiakeimenos—ōs ara hautē pasōn tōn enthousiaseōn aristē te kai ex aristōn tō te echonti kai tō koinōnounti autēs gignetai, kai hoti tautēs metechōn tēs manias ho erōn tōn kalōn erastēs kaleitai.

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 249 part 2; transliteration: greek-transliteration (build)

Share X Facebook