Work 4 · Passage 42
Plato
Greek
ΣΩ. καθάπερ γὰρ εἴρηται, πᾶσα μὲν ἀνθρώπου ψυχὴ φύσει τεθέαται τὰ ὄντα, ἢ οὐκ ἂν ἦλθεν εἰς τόδε τὸ ζῷον· ἀναμιμνῄσκεσθαι δὲ ἐκ τῶνδε ἐκεῖνα οὐ ῥᾴδιον ἁπάσῃ, οὔτε ὅσαι βραχέως εἶδον τότε τἀκεῖ, οὔθʼ αἳ δεῦρο πεσοῦσαι ἐδυστύχησαν, ὥστε ὑπό τινων ὁμιλιῶν ἐπὶ τὸ ἄδικον τραπόμεναι λήθην ὧν τότε εἶδον ἱερῶν ἔχειν. ὀλίγαι δὴ λείπονται αἷς τὸ τῆς μνήμης ἱκανῶς πάρεστιν· αὗται δέ, ὅταν τι τῶν ἐκεῖ ὁμοίωμα ἴδωσιν, ἐκπλήττονται καὶ οὐκέτʼ ἐν αὑτῶν γίγνονται, ὃ δʼ ἔστι τὸ πάθος ἀγνοοῦσι διὰ τὸ μὴ ἱκανῶς διαισθάνεσθαι. δικαιοσύνης μὲν οὖν καὶ σωφροσύνης καὶ ὅσα ἄλλα τίμια ψυχαῖς οὐκ ἔνεστι φέγγος οὐδὲν ἐν τοῖς τῇδε ὁμοιώμασιν, ἀλλὰ διʼ ἀμυδρῶν ὀργάνων μόγις αὐτῶν καὶ ὀλίγοι ἐπὶ τὰς εἰκόνας ἰόντες θεῶνται τὸ τοῦ εἰκασθέντος γένος· κάλλος δὲ τότʼ ἦν ἰδεῖν λαμπρόν, ὅτε σὺν εὐδαίμονι χορῷ μακαρίαν ὄψιν τε καὶ θέαν, ἑπόμενοι μετὰ μὲν Διὸς ἡμεῖς, ἄλλοι δὲ μετʼ ἄλλου θεῶν, εἶδόν τε καὶ ἐτελοῦντο τῶν τελετῶν ἣν θέμις λέγειν μακαριωτάτην, ἣν ὠργιάζομεν ὁλόκληροι μὲν αὐτοὶ ὄντες καὶ ἀπαθεῖς κακῶν ὅσα ἡμᾶς ἐν ὑστέρῳ χρόνῳ ὑπέμενεν, ὁλόκληρα δὲ καὶ ἁπλᾶ καὶ ἀτρεμῆ καὶ εὐδαίμονα φάσματα μυούμενοί τε καὶ ἐποπτεύοντες ἐν αὐγῇ καθαρᾷ, καθαροὶ ὄντες καὶ ἀσήμαντοι τούτου ὃ νῦν δὴ σῶμα περιφέροντες ὀνομάζομεν, ὀστρέου τρόπον δεδεσμευμένοι. ταῦτα μὲν οὖν μνήμῃ κεχαρίσθω, διʼ ἣν πόθῳ τῶν τότε νῦν μακρότερα εἴρηται· περὶ δὲ κάλλους, ὥσπερ εἴπομεν, μετʼ ἐκείνων τε ἔλαμπεν ὄν, δεῦρό τʼ ἐλθόντες κατειλήφαμεν αὐτὸ διὰ τῆς ἐναργεστάτης αἰσθήσεως τῶν ἡμετέρων στίλβον ἐναργέστατα. ὄψις γὰρ ἡμῖν ὀξυτάτη τῶν διὰ τοῦ σώματος ἔρχεται αἰσθήσεων, ᾗ φρόνησις οὐχ ὁρᾶται—δεινοὺς γὰρ ἂν παρεῖχεν ἔρωτας, εἴ τι τοιοῦτον ἑαυτῆς ἐναργὲς εἴδωλον παρείχετο εἰς ὄψιν ἰόν—καὶ τἆλλα ὅσα ἐραστά· νῦν δὲ κάλλος μόνον ταύτην ἔσχε μοῖραν, ὥστʼ ἐκφανέστατον εἶναι καὶ ἐρασμιώτατον.
Transliteration
SŌ. kathaper gar eirētai, pasa men anthrōpou psychē physei tetheatai ta onta, ē ouk an ēlthen eis tode to zōon anamimnēskesthai de ek tōnde ekeina ou rhadion hapasē, oute hosai bracheōs eidon tote takei, outhʼ hai deuro pesousai edystychēsan, hōste hypo tinōn homiliōn epi to adikon trapomenai lēthēn hōn tote eidon hierōn echein. oligai dē leipontai hais to tēs mnēmēs hikanōs parestin hautai de, hotan ti tōn ekei homoiōma idōsin, ekplēttontai kai ouketʼ en hautōn gignontai, ho dʼ esti to pathos agnoousi dia to mē hikanōs diaisthanesthai. dikaiosynēs men oun kai sōphrosynēs kai hosa alla timia psychais ouk enesti phengos ouden en tois tēde homoiōmasin, alla diʼ amydrōn organōn mogis autōn kai oligoi epi tas eikonas iontes theōntai to tou eikasthentos genos kallos de totʼ ēn idein lampron, hote syn eudaimoni chorō makarian opsin te kai thean, hepomenoi meta men Dios hēmeis, alloi de metʼ allou theōn, eidon te kai etelounto tōn teletōn hēn themis legein makariōtatēn, hēn ōrgiazomen holoklēroi men autoi ontes kai apatheis kakōn hosa hēmas en hysterō chronō hypemenen, holoklēra de kai hapla kai atremē kai eudaimona phasmata myoumenoi te kai epopteuontes en augē kathara, katharoi ontes kai asēmantoi toutoy ho nyn dē sōma peripherontes onomazomen, ostreou tropon dedesmeumenoi. tauta men oun mnēmē kecharisthō, diʼ hēn pothō tōn tote nyn makrotera eirētai peri de kallous, hōsper eipomen, metʼ ekeinōn te elampen on, deuro tʼ elthontes kateilēphamen auto dia tēs enargestatēs aisthēseōs tōn hēmeterōn stilbon enargestata. opsis gar hēmin oxytatē tōn dia tou sōmatos erchetai aisthēseōn, hē phronēsis ouch horatai—deinous gar an pareichen erōtas, ei ti toiouton heautēs enarges eidōlon pareicheto eis opsin ion—kai talla hosa erasta nyn de kallos monon tautēn esche moiran, hōstʼ ekphanestaton einai kai erasmiōtaton.
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 250; transliteration: greek-transliteration (build)