Languages

Work 5 · Passage 28

Work 5 · Passage 28

Plato

Greek

ΣΩ. ἀλλʼ ἀπὸ ποίας; πειρῶ ἡμῖν εἰπεῖν ἀκριβῶς· καὶ εἰ μὴ βούλει ἀριθμεῖν, ἀλλὰ δεῖξον ἀπὸ ποίας. ΠΑΙ. ἀλλὰ μὰ τὸν Δία, ὦ Σώκρατες, ἔγωγε οὐκ οἶδα. ΣΩ. ἐννοεῖς αὖ, ὦ Μένων, οὗ ἐστιν ἤδη βαδίζων ὅδε τοῦ ἀναμιμνῄσκεσθαι; ὅτι τὸ μὲν πρῶτον ᾔδει μὲν οὔ, ἥτις ἐστὶν ἡ τοῦ ὀκτώποδος χωρίου γραμμή, ὥσπερ οὐδὲ νῦν πω οἶδεν, ἀλλʼ οὖν ᾤετό γʼ αὐτὴν τότε εἰδέναι, καὶ θαρραλέως ἀπεκρίνετο ὡς εἰδώς, καὶ οὐχ ἡγεῖτο ἀπορεῖν· νῦν δὲ ἡγεῖται ἀπορεῖν ἤδη, καὶ ὥσπερ οὐκ οἶδεν, οὐδʼ οἴεται εἰδέναι. ΜΕΝ. ἀληθῆ λέγεις. ΣΩ. οὐκοῦν νῦν βέλτιον ἔχει περὶ τὸ πρᾶγμα ὃ οὐκ ᾔδει; ΜΕΝ. καὶ τοῦτό μοι δοκεῖ. ΣΩ. ἀπορεῖν οὖν αὐτὸν ποιήσαντες καὶ ναρκᾶν ὥσπερ ἡ νάρκη, μῶν τι ἐβλάψαμεν; ΜΕΝ. οὐκ ἔμοιγε δοκεῖ. ΣΩ. προὔργου γοῦν τι πεποιήκαμεν, ὡς ἔοικε, πρὸς τὸ ἐξευρεῖν ὅπῃ ἔχει· νῦν μὲν γὰρ καὶ ζητήσειεν ἂν ἡδέως οὐκ εἰδώς, τότε δὲ ῥᾳδίως ἂν καὶ πρὸς πολλοὺς καὶ πολλάκις ᾤετʼ ἂν εὖ λέγειν περὶ τοῦ διπλασίου χωρίου, ὡς δεῖ διπλασίαν τὴν γραμμὴν ἔχειν μήκει. ΜΕΝ. ἔοικεν. ΣΩ. οἴει οὖν ἂν αὐτὸν πρότερον ἐπιχειρῆσαι ζητεῖν ἢ μανθάνειν τοῦτο ὃ ᾤετο εἰδέναι οὐκ εἰδώς, πρὶν εἰς ἀπορίαν κατέπεσεν ἡγησάμενος μὴ εἰδέναι, καὶ ἐπόθησεν τὸ εἰδέναι; ΜΕΝ. οὔ μοι δοκεῖ, ὦ Σώκρατες. ΣΩ. ὤνητο ἄρα ναρκήσας; ΜΕΝ. δοκεῖ μοι. ΣΩ. σκέψαι δὴ ἐκ ταύτης τῆς ἀπορίας ὅτι καὶ ἀνευρήσει ζητῶν μετʼ ἐμοῦ, οὐδὲν ἀλλʼ ἢ ἐρωτῶντος ἐμοῦ καὶ οὐ διδάσκοντος· φύλαττε δὲ ἄν που εὕρῃς με διδάσκοντα καὶ διεξιόντα αὐτῷ, ἀλλὰ μὴ τὰς τούτου δόξας ἀνερωτῶντα.λέγε γάρ μοι σύ

Transliteration

SŌ. allʼ apo poias; peirō hēmin eipein akribōs kai ei mē boulei arithmein, alla deixon apo poias. PAI. alla ma ton Dia, ō Sōkrates, egōge ouk oida. SŌ. ennoeis au, ō Menōn, hou estin ēdē badizōn hode tou anamimnēskesthai; hoti to men prōton ēdei men ou, hētis estin hē tou oktōpodos chōriou grammē, hōsper oude nyn pō oiden, allʼ oun ōeto gʼ autēn tote eidenai, kai tharrhaleōs apekrineto hōs eidōs, kai ouch hēgeito aporein nyn de hēgeitai aporein ēdē, kai hōsper ouk oiden, oudʼ oietai eidenai. MEN. alēthē legeis. SŌ. oukoyn nyn beltion echei peri to pragma ho ouk ēdei; MEN. kai touto moi dokei. SŌ. aporein oun auton poiēsantes kai narkan hōsper hē narkē, mōn ti eblapsamen; MEN. ouk emoige dokei. SŌ. prourgoy goun ti pepoiēkamen, hōs eoike, pros to exeurein hopē echei nyn men gar kai zētēseien an hēdeōs ouk eidōs, tote de rhadiōs an kai pros pollous kai pollakis ōetʼ an eu legein peri tou diplasiou chōriou, hōs dei diplasian tēn grammēn echein mēkei. MEN. eoiken. SŌ. oiei oun an auton proteron epicheirēsai zētein ē manthanein touto ho ōeto eidenai ouk eidōs, prin eis aporian katepesen hēgēsamenos mē eidenai, kai epothēsen to eidenai; MEN. ou moi dokei, ō Sōkrates. SŌ. ōnēto ara narkēsas; MEN. dokei moi. SŌ. skepsai dē ek tautēs tēs aporias hoti kai aneurēsei zētōn metʼ emou, ouden allʼ ē erōtōntos emou kai ou didaskontos phylatte de an pou heurēs me didaskonta kai diexionta autō, alla mē tas toutoy doxas anerōtōnta.lege gar moi sy

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 84 part 1; transliteration: greek-transliteration (build)

Share X Facebook